G. Gonterius Labinonensis in laudem arithmetices et musices

Tempore iam multo doctae latuere sorores

      Quas retinet comites flava Minerva suas

Huc placide terras post tempora multa revisunt,

      Grata quoque ante alias Gallica terra placet.

5

His olim celebris fuit omnis Acaica tellus,

      Pythagora patriam diffugiente Samon.

Hellada nunc linquunt et doctas palladis urbes

      Sequaniosque petunt Parhisiosque lares.

Haec venit omnimoda numerorum cincta caterva

10

      Atque docet numeris quicquid in orbe situm est.

Altera dulcisono cantu fidibusque canoris

      Edomuisse viros traditur atque feras.

Quae sua Pieriis tenet unica nomina Musis

      Quod nihil hac musis gratius esse solet.

15

Attamen artificem stapule? misere marine

      Qui laeta hoc studiis fronte dicaret opus.

Hoc solum studium atque haec illi cura: iuvare

      Irritus et ne sit dispereatque labor.